الرئيسية / نكت مصرية / نكت عن الامتحانات للطالب الفاشل

نكت عن الامتحانات للطالب الفاشل

نكت عن الامتحانات للطالب الفاشل

 

 

نكت عن الامتحانات هي مجموعة من النكت التى يمر بها بعض الطلاب الذين يواجهون صعوبة في المذاكرة او ممكن يتعرضون لتجربة الرسوب في الامتحانات ويتم سردها بطريقة كوميدية من أجل التخفيف عن بعض الطلاب او الذين يريدون جو من المرح أثناء أداء أعمالهم اليومية، لذلك تعتبر نكت عن الامتحانات هي واحدة من أشهر أنواع النكت المنتشرة في الشارع  ووسائل التواصل الاجتماعي.وللناس الي بتدور كتير علي نكت جديده ف احب اقولك ان عندنا نكت يوم بيوم يعني اجدد حاجه ممكن تلاقيها..

مجموعة نكت عن الامتحانات:

  • مرة مدرس بيقول للتلاميذ الامتحانات في رمضان، راح طالب رد وقال للمدرس ليه قال له خلاص خلو الدرجة بعشر أمثالها.
  •   مرة واحد ابن جزار عرف يحل سؤال في الامتحان، قام دبح عجل.
  • كل واحد منا جواه شخصيتين الأول بيقول قوم ذاكر والتاني بيقول سيبك منه وروح نام.
  •  مرة مدرس بيصحح ورق الامتحانات شاف الورقة مكتوب عليها لو راجل متفتحهاش، بعد ثلاث ساعات الفضول هيموتوا راح فتحها، لاقي مكتوب فيها برضه فتحتها يا ابن الكلب.
  •   اتنين مساطيل دخلوا امتحان، الاول بيسأل التاني عملت ايه قال له سبت الورقه فاضيه الثاني رد عليه وقال له كدا هيفتكرونا غاشين من بعض.
  •  مرة واحد بيسأل صاحبه في الأمتحان وبيقولوا السؤال الاول، صاحبه قال له مالو راح رد عليه قال له بيسلم عليك يا حيوان.
  • مرة طالب جامعة بيسأل الدكتور هو الامتحان لحد فين قال له لحد ما وقتنا يخلص، راح رد علية وقال له هي مادة ايه اصلا ً.
  • مدرس بيقول للطلبة في الامتحان محدش يكتب حاجة علي ورقة الاسئلة، راح رد عليه تلميذ هو احنا عارفين نكتب حاجة في ورقة الاجابة عشان تكتب في ورقة الاسئلة.
  •  مرة مدرس بيقول لطالب في الدرس  ادخل كلمة ناقص فى جملة قاله، وناقص تقولى اعربهالى كمان.
  •  مرة مدرس جغرافيا بيسأل طالب لماذا سُمي البحر الميت بذلك الأسم، راح واحد من الطلاب جاوب لأنه حزين على البحر الميت.
  • مدرس تاريخ بيسأل ماذا فعل الرومان عندما عبروا البحر المتوسط، واحد من التلاميذ قال نشروا ملابسهم.
  • مرة مدرس علوم بيسأل طالب ما فائدة الاذنين، رد أحد التلاميذ وقال تمنع سقوط النظارة يا أستاذ.
  • مرة واحد من أولياء الأمور بيسأل مدرس هل مستوى ابنه يضمن له النجاح، رد الاستاذ وقال دا متوقف على مستوى الطالب الي ها يجلس بجانب ابنك في الامتحان.
  •       مرة طالب  عرف سؤال في الامتحان من فرحته راح نسي الاجابة وكتب في الورقة والله كنت فاكرها.
  •  مدرس عربي عمل امتحان مفاجئ بيسأل طالب ما هو التوكيد؟ قاله التوكيد والنور، سأل طالب تاني قال له توكيد نوكيا، سأل الثالث قال له توكيد عكاشة.
  • مرة تلميذ بيقول للمدرس انا عاوز اوصل للقمة، المدرس قال له شاطر انت عاوز تبقي حاجة مهمة، قال له لا عشان اتزحلق.
  • مرة مدرس علوم بيسأل طالب ايه سبب زيادة ضربات القلب، رد طالب وقال له الامتحان يا استاذ.
  • مرة واحد بيسأل ابنه عملت ايه في الامتحان، الولد رد عليه وقال له كان صعب جه من برا البرشام.
  •  مره مدرس بيسأل تلميذ ماذا تعلمت من المدرسة، التلميذ رد وقال له تعلمت ألا أنظر خلفي إلا في الامتحان.
  •  مرة اب دخل على ابنه ليلة الامتحان شافه بيلعب، قال له ها تتحل ازاي بكرا في الامتحان، رد الولد وقال له بالقلم.
  •  مرة واحد بيقول لابنه ياريت تقعد على الكتاب زي ما تقعد على الكمبيوتر كدا، راح الولد جاب الكتاب وحطه فوق الكرسى وقعد عليه.
  • مدرس علوم بيسأل طالب ماذا تعرف عن الجاذبية، الطالب رد عليه وقال له هي جاذبية النوم الي بتظهر لما ابدأ اذاكر.

 

 

شاهد أيضاً

أجمد نكت مصرية قصيرة 2020

يمتاز المصريون بالدعابة وخفة الدم وانتشرت النكت المصرية المضحكة على مجالٍ واسعٍ وها قد جمعنا …