الرئيسية / نكت محششين / نكت مساطيل ضحك للركب

نكت مساطيل ضحك للركب

نكت مساطيل ضحك للركب

نكت مساطيل هي مجموعة من المواقف والأحداث التي تحدث بين شخصين مساطيل أو محششين بشكل تلقائى دون ترتيب لها وذلك ما جعلها الاكثر انتشارا ً في الشارع وعلى وسائل التواصل الإجتماعي وليس شرطاً أن يكون الموقف حقيقي ولكن الكثير يُفضل قراءة نكت مساطيل ونكت المحششين الجديده والقديمه و نكت صعايده محششين خاصة لإنها لاقت استحسان الكثير من متابعي صفحات الضحك على وسائل التواصل الاجتماعي وعلى شاشات التلفاز لذلك الكثيرون يبدعون في كتابة هذا النوع من النكت.

 

 

مجموعة من أفضل نكت المساطيل تموت من الضحك

  • مرة واحد مسطول بيقول لواحد مسطول زيه انت خلصت من حماتك ازاي قال له لابستها احمر في احمر وحجزت لها تذكرة مع جمهور نادي الزمالك 
  • مرة مسطول شاف اعلان تويكس وقف لحظة، و اعلان سنيكرز لا توقف، قال لو اكلت الاتنين مع بعض ممكن اعلق
  •  مرة واحد مسطول كان عند الجزار وكان في قطة عمالة تنونو كل شوية راح المسطول قال للجزار ارملها كبدة، شوية وعمالة تنونو تاني قال للجزار ارملها لحمة، شوية وراح المسطول مشى، الجزار قال له فين الحساب، راح رد علية وقال له انا مالي انا كنت بترجملك بس
  • مرة اتنين مساطيل قاعدين مع بعضهم الأول قال للتاني هما ليه الدكاترة في العمليات بيحطوا كمامة على وشهم، راح التاني رد عليه وقال له عشان لو العملية فشلت محدش يعرفهم
  • مرة واحد بيسأل مسطول ما هو أسرع طريق للمستشفي، راح رد  عليه وقال له روح اقف في نص الشارع
  • مرة واحد مسطول بيكلم بنت على النت قال لها انتي بنت ردت عليه وقالت اه قالها كدابة قالت لا انا بنت قال لها لأ انتى بتضحكى عليا قالت لا انت ليه بتقول كدا، قال لها اصل مكتوب يكتب الأن مش تكتب الآن
  • مرة واحد مسطول بيقول  الجزمه بتاعتى اتسرقت من عند الجامع، قام يصرخ ويقول لو ما رجعتش الجزمة ها عمل زي الجمعة المرة الى فاتت الناس خافت وقامت وجابت الجزمة، وسألوه عملت ايه المرة اللي فاتت، قالهم روحت حافي
  • مرة واحد مسطول مروح البيت ومش عارف يفتح الباب مراتة بتقول له ارميلك المفتاح قال  لها لا المفتاح معايا ارمي خرم الباب
  • مرة واحد مسطول في رمضان راح وقت قدام جمل وبيقول له عرفني انت بتخزن الماية أزاي
  • مرة واحد مسطول اخد مراته للدكتور قال له امرأتك حامل، قال له اخيرا ً هابقي اب ،الدكتور رد عليه احتمال خال أو عم
  • واحد مسطول سألوه عامل ايه في الصيام، قال لهم لولا الوضوء كنا متنا من العطش
  • واحد مسطول راح يتقدم لعروسة قالت له انا جوايا شخص تانى، قالها بلاش فلسفة قولى انك حامل وخلاص
  • مرة واحد مسطول بيقول لواحد صاحبه شايف امريكا ربنا غضبان عليها إزاي مخليها في اخر الدنيا إنما مصر ساعتين بس بالبيجو
  • مرة واحد بيقول لـ أبوه المسطول عاوز اكمل تعليمي بره قال له خلي امك تفرشلك في الحوش برا
  • مرة واحد مسطول ماشى في الشارع شاف يافطة مكتوب عليها ممنوع الوقوف راح نام تحتها
  • مرة واحد مسطول راح اشتري عربية جديدة وكان ماشي بسرعة، راح فتح الراديو بيقول هنا لندن، قال يلعن ابو السرعة
  • واحد بيسأل واحد مسطول ايه اصعب موقف مر عليك في حياتك، قال له موقف عبود
  • واحد مسطول وقع في حفرة حاول يطلع وما عرفش حاول تاني وما عرفش حاول ثالث وما عرفش، راح قال لو ما طلعتش المرة الجاية هامشي
  • واحد مسطول كان ماشى في الشارع دخل مسجد شاف الناس بتصلي راح يصلي معاهم وفي واحد اتصل عليه بيقول له انت فين، المسطول رد عليه انا في الركعة الثانية

 

شاهد أيضاً

نكت مساطيل

نكت مساطيل 2020 هتعيشك علي كوكب المريخ

نكت مساطيل، من لم يسمع نكت المساطيل من قبل وتملكه الشغف ليبحث أكثر بشأنها ليزداد …